Toshkentda xalqaro SNIBE Day simpoziumi

4-oktabr kuni Toshkentda SNIBE Diagnostic, IFCC va Albatros Health Care hamkorligida tashkil etilgan xalqaro SNIBE Day laboratoriya tibbiyoti simpoziumi boʻlib oʻtdi. Xalqaro va mahalliy ekspertlar laboratoriyalarni avtomatlashtirish, zamonaviy diagnostika va tadqiqotlar sifatini oshirish boʻyicha oʻz tajribalarini boʻlishishdi. Simpoziumning asosiy ishtirokchilaridan biri — IFCC prezidenti, professor Tomris Ozben boʻlib, u tibbiy laboratoriyalarni avtomatlashtirish mavzusida maʼruza qildi. Tadbir mamlakatning turli hududlaridan kelgan laboratoriya diagnostikasi mutaxassislarini bir joyga jamladi va tajriba almashish hamda xalqaro hamkorlikni mustahkamlash uchun muhim maydonga aylandi.