Toshkentda bo'lib o'tgan Illumina Innovation Day 2026
Albatros Health Care Illumina bilan hamkorlikda genetika, genomika, onkologiya, reproduktiv salomatlik va genetik kasalliklar diagnostikasi yo'nalishidagi mutaxassislarni birlashtirgan xalqaro konferensiya — Illumina Innovation Day 2026 — ni tashkil etdi. Dasturda xalqaro ekspertlar ishtirok etib, o'z amaliy tajribalari, dolzarb tadqiqotlar natijalari hamda diagnostika va genetik texnologiyalardagi zamonaviy yondashuvlarni muhokama qildilar. Ishtirokchilar soha yutuqlari va ularni klinik amaliyotga tatbiq etish istiqbollarini ham ko'rib chiqdilar. Biz uchun bunday tadbirlar professional hamjamiyatni birlashtirish, bilim almashish va O'zbekistonda zamonaviy tibbiyot hamda genetik diagnostika rivojiga hissa qo'shish imkoniyati bo'lib xizmat qilmoqda.