Immunotahlil boʻyicha xalqaro simpozium, Hilton Tashkent City

18-may kuni Hilton Tashkent City mehmonxonasida SNIBE, Klinik kimyo va laboratoriya tibbiyoti xalqaro federatsiyasi hamda Albatros Health Care hamkorligida tashkil etilgan Immunotahlil boʻyicha xalqaro simpozium boʻlib oʻtadi. Sizni maʼruzachilari taniqli professorlar, tibbiyot fanlari doktor va nomzodlari, xizmat koʻrsatgan shifokorlar va tibbiyot sohasi oʻqituvchilari boʻlgan tadbirni ziyorat etishga taklif qilamiz. Konferensiya mavzulari: 1. Laboratoriya xizmatini modernizatsiyalash; 2. Onkodiagnostikada laboratoriya markerlari: qachon, kimga va nima uchun; 3. Uzoq muddatli sunʼiy nafas berishda bemorlarda septik holatni monitoring qilish; 4. Surunkali yurak yetishmovchiligining turli fenotiplarini diagnostika qilish xususiyatlari; 5. Tirik qarindosh donordan buyrak transplantatsiyasining perioperativ bosqichlarida immunosuppresiyani monitoring qilish. Va boshqalar. Albatros Health Care Oʻzbekistonda Snibe kompaniyasining rasmiy distribyutoridir.